សមត្ថកិច្ចខណ្ឌច្បារអំពៅឃាត់ខ្លួនបុរសម្នាក់តាមដីកាបង្គាប់ឲ្យចាប់ខ្លួន ចៅក្រមស៊ើបសួរ សាលាដំបូងរាជធានីភ្នំពេញ
01-May-2018 | ដោយ ពលមនសិការ
ភ្នំពេញ ៖ កាលពីថ្ងៃទី៣០ ខែមេសា ឆ្នាំ២០១៨ វេលាម៉ោង២០និង០៥នាទី គណៈបញ្ជាការឯកភាពខណ្ឌច្បារអំពៅ ដឹកនាំដោយលោកស្រី ឯក យ៉ានី អភិបាលរងខណ្ឌ សហការជាមួយកម្លាំងសាលាខណ្ឌ, នគរបាលខណ្ឌ, កងរាជអាវុធហត្ថខណ្ឌ កម្លាំងសាលាសង្កាត់ច្បារអំពៅ២ និងកម្លាំងនគរបាលប៉ុស្តិ៍ចំនួន ៤ប៉ុស្តិ៍បានដាក់គោដៅត្រួតពិនិត្យអាវុធជាតិផ្ទុះ នៅមុខ ប៉ុស្តិ៍ច្បារអំពៅ២ ផ្លូវជាតិលេខ១ ភូមិកណ្តាល សង្កាត់ច្បារអំពៅ២ ខណ្ឌច្បារអំពៅ ធ្វើការចាប់ខ្លួនជនល្មើសម្នាក់ តាមដីកាបង្គាប់ឲ្យចាប់ខ្លួនលេខ"យ" ដ ច ន ចុះថ្ងៃទី២៣ ខែមិថុនា ឆ្នាំ២០១៦ ចេញដោយលោក ឡុង កេសភីរម្យ ចៅក្រមស៊ើបសួរ សាលាដំបូងរាជធានីភ្នំពេញ និងដីកាបង្គាប់ឲ្យចាប់ខ្លួនលេខ៩៧៣ “ញ” ដ.ច.ន ចុះថ្ងៃទី ២២ ខែធ្នូ ឆ្នាំ២០១៦ ចេញដោយលោក លី សុខលេង ចៅក្រមជំនុំជម្រះ នៃសាលាដំបូង រាជធានីភ្នំពេញ ពីបទ ជួញដូរដោយខុសច្បាប់នូវសារធាតុញៀន ប្រព្រឹត្តនៅ បន្ទប់ក្រោមផ្ទះលេខ០០៣ ផ្លូវលំ ភូមិដើមស្លែង សង្កាត់ច្បារ អំពៅ២ ខណ្ឌច្បារអំពៅ កាលពីថ្ងៃទី២០ ខែឧសភា ឆ្នាំ២០១៦។
លោកវរសេនីយ៍ទោ ម៉ៅ សឿត អធិការរងខណ្ឌបានឲ្យដឹងថាជនសង្ស័យឈ្មោះ អ៊ុំ តារារង្សី ភេទប្រុស អាយុ២៩ឆ្នាំ ជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ១១២ស្ទួន ផ្លូវលំ ភូមិកោះនរា សង្កាត់និរោធ ខណ្ឌច្បារអំពៅ៕
ចំនួនអ្នកទស្សនា
- ថ្ងៃនេះ10221
- ម្សិលមិញ9421
- សប្តាហ៍នេះ65881
- ខែនេះ181031
- ឆ្នាំនេះ181031
- សរុប20623487